کراچی: ٹریفک قوانین کی خلاف ورزی کرنے والوں کے خلاف ٹریفک پولیس کا کریک ڈاؤن جاری ہے۔

ٹریفک پولیس حکام کے مطابق ایک ہفتے کے دوران کل 35 مقدمات درج اور 21 ہزار 859 چالان کیے گئے جب کہ بغیر لائسنس گاڑی چلانے پر 10 مقدمے کیے گئے۔

ٹریفک پولیس نے بتایا کہ غلفت اور لاپرواہی سے گاڑی چلانے پر 8 مقدمات اور تجاوزات پر 17 مقدمات درج کیے گئے جب کہ بغیر لائسنس گاڑی چلانے پر 6 ہزار 265 چالان کیے۔

حکام نے یہ بھی بتایا کہ ٹریفک سگنلز کی خلاف ورزی پر 3778، بغیرنمبر پلیٹ والی موٹر سائیکل چلانے پر 2619 چالان ہوئے۔

ٹریفک پولیس کا کہنا تھا کہ نو پارکنگ میں گاڑی پارکنگ پر 2608، فینسی نمبر پلیٹ پر 1861 اور کالے شیشوں پر 1585 چالان کیے گئے جب کہ اضافی سیٹوں والے رکشوں پر 1221 اور غفلت سے گاڑی چلانے پر 796 چالان کیے گئے۔

حکام نے مزید بتایا کہ ون وے کی خلاف ورزی پر 610، اسٹاپ لائن کی خلاف ورزی پر 382 چالان کیے جب کہ لین کا غلط استعمال کرنے والوں کے خلاف 109 اور پولیس بلیو لائٹس لگانے پر 25 چالان کیے گئے۔