سونے کی قیمت میں ایک بار پھر ہوشربا اضافہ، بین القوامی اور مقامی سونے کی مارکیٹ میں قیمت نئی تاریخی ریکارڈ سطح پر پہنچ گئی۔

 ملک میں آج سونے کی فی تولہ قیمت میں 1800 کا بڑا اضافہ  ریکارڈ کیا گیا ہے۔

ملک بھر میں سونے کی قیمت میں اتار چڑھاؤ کا سلسلہ جاری ہے، نئے کاروباری ہفتے کے چوتھے روز سونے کی قیمت میں اضافہ ریکارڈ کیا گیا ہے۔

آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 1800 روپے اضافے سے 3 لاکھ 20 ہزار 800 روپے کی ریکارڈ سطح تک پہنچ گئی ہے۔

اس کے علاوہ 10 گرام سونے کی قیمت 1543 روپے اضافے سے 2 لاکھ  75 ہزا 34 روپے ہوگئی ہے۔

عالمی صرافہ بازار مارکیٹ میں سونا  12 ڈالرز اضافے سے 3050 فی اونس ہوگیا، جبکہ چاندی کی فی تولہ قیمت 31 روپے کی کمی سے 3524 روپے ہوگئی۔