اسلام آباد: ترکمانستان میں پاکستانی سفیر احسن واہگن کی امریکہ سے ڈی پورٹیشن کی قیاس آرائیوں پر دفتر خارجہ کا ردعمل سامنے آگیا۔

ترجمان دفتر خارجہ کے مطابق پاکستانی سفارتکار ذاتی دورہ کر رہے تھے، پاکستان کی وزارت خارجہ معاملے کی تحقیقات کر رہی ہے۔

ذرائع نے بتایا ہے کہ امریکہ حکام نے اس معاملے پر تبصرے سے انکار کردیا ہے۔

امریکی حکام کے مطابق چند روز قبل ترکمانستان میں پاکستانی سفیر احسن واہگن کی لاس اینجلس سے ڈی پورٹیشن کا معاملہ سامنے آیا، ان کی ڈی پورٹیشن کا معاملہ سوشل میڈیا سے سامنے آیا۔

امریکی اسٹیٹ ڈیپارٹمنٹ نے سفیر احسن واہگن کے اہل خانہ کے لاس اینجلس میں قیام پذیر ہونے کی تصدیق کی اور کہا کہ افواہوں اور قیاس آرائیوں پر ہم تبصرہ نہیں کر سکتے۔

ذرائع نے مزید بتایا کہ سفیر احسن واہگن اہلخانہ سے ملاقات کے لئے لاس اینجلس آتے جاتے ہیں، ان کے سفری دستاویزات میں کوئی سقم سامنے آیا۔