اسلام آباد: وفاقی وزیراطلاعات عطا تارڑ کا کہنا ہے کہ بھارت نے بچگانہ روئیے کا مظاہرہ کیا، پاکستان سندھ طاس معاہدے پرعمل کے لئے آخری حد تک جائے گا۔

وفاقی وزیراطلاعات عطاتارڑ نے قومی سلامتی کمیٹی کے اجلاس کے بعد نائب وزیراعظم اسحاق ڈار، وزیر دفاع خواجہ آصف اور وزیر قانون اعظم نذیر تارڑ کے ہمراہ پریس بریفنگ میں کہا کہ بھارت پاکستان میں دہشت گردی کو اسپانسرکرتا ہے.

وفاقی وزیراطلاعات کہتے ہیں کہ بھارت نے بچگانہ روئیے کا مظاہرہ کیا، بھارتی بیانات گیدڑ بھبھکیوں سے زیادہ کچھ نہیں، قومی سلامتی کمیٹی نے بھارتی اقدامات کا سود سمیت جواب دے دیا ہے۔

انہوں نے کہا کہ سندھ طاس معاہدے کی معطلی کا کوئی قانونی جواز نہیں ہے۔ پاکستان سندھ طاس معاہدے پرعمل کے لئے آخری حد تک جائے گا۔

نذیر تارڑ نے مزید کہا ہے کہ بھارتی حکومت اپنی ناکامی کا ملبہ کسی اور پر ڈالنے کی کوشش نہ کرے، بھارت اپنےعوام کی حفاظت میں ناکام رہا۔

اٹارنی جنرل پاکستان نے بتایا کہ سندھ طاس معاہدہ عالمی بینک نے طے کروایا، سندھ طاس معاہدے کی کسی بھی صورت یک طرفہ معطلی نہیں ہوسکتی، پاکستان کے سندھ طاس معاہدے کے تحت تمام حقوق موجود ہیں۔