نئی دہلی: بھارتی وزارت خارجہ نے تمام پاکستانیوں کو 48 گھنٹوں میں ملک چھوڑنے کا حکم دیتے ہوئے سندھ طاس معاہدہ معطل کردیا۔

بھارتی وزارت خارجہ نے پریس کانفرنس کے دوران تمام پاکستانی شہریوں کو 48 گھنٹے میں ملک چھوڑنے کا حکم دیتے ہوئے سندھ طاس معاہدہ معطل کردیا۔

وزارت خارجہ نے اعلان کیا ہے کہ اٹاری اور واہگہ بارڈر کو بند کر رہے ہیں، سارک ویزا استثنیٰ کے تحت پاکستانی شہری بھارت کا سفر نہیں کرسکیں گے۔

بھارتی وزارت خارجہ نے کہا کہ بھارت اسلام آباد سے اپنے تمام دفاعی اتاشی واپس بلائے گا جب کہ بھارت پاکستان کے ساتھ سفارتی تعلقات کو مزید کم کر رہا ہے۔

وزارت خارجہ نے بتایا کہ 2019 میں تعلقات کو ہائی کمشنر کی جگہ قونصلر تک کردیا تھا،  سفارتی عملے کی تعداد کو 55 سے کم کرکے 30 تک لایا جائے گا۔

بھارتی وزارت خارجہ کا مزید کہنا تھا کہ پاکستانی ہائی کمیشن میں فوجی مشیروں کو ملک چھوڑنے کے لئے ایک ہفتے کا وقت ہے۔