حکومت نے بجلی کی قیمتوں میں کمی کا اعلان کیا ہے اور نئے ٹیرف کے مطابق مختلف صارفین کے لیے نئے نرخ مقرر کر دیے گئے ہیں۔

ان نرخوں کے مطابق، مختلف اقسام کے صارفین کے لیے بجلی کے یونٹ کی قیمت میں نمایاں فرق نظر آ رہا ہے۔

نئے ٹیرف کے مطابق لائف لائن صارفین کے لیے بجلی کا ٹیرف 4 روپے 78 پیسے فی یونٹ مقرر کیا گیا ہے، سویونٹ تک بجلی استعمال کرنے والے گھریلو صارفین کے لیے بجلی کا ٹیرف 9 روپے 37 پیسے فی یونٹ ہوگا۔

سو یونٹ استعمال کرنے والے پروٹیکٹیڈ صارفین کے لیے بجلی کی قیمت 8 روپے 52 پیسے فی یونٹ مقرر کی گئی ہے، دوسو یونٹ تک بجلی استعمال کرنے والے پروٹیکٹیڈ صارفین کے لیے قیمت 11 روپے 51 پیسے فی یونٹ مقرر کی گئی ہے۔

تین سو یونٹ استعمال کرنے والے نان پروٹیکٹیڈ صارفین کے لیے بجلی کا ٹیرف 34 روپے 3 پیسے فی یونٹ ہوگا، تین سو یونٹ استعمال کرنے والے نان پروٹیکٹیڈ ٹی او یو صارفین کے لیے بجلی کے نرخ 48 روپے 46 پیسے فی یونٹ مقرر کیے گئے ہیں۔

گھریلو صارفین کے لیے بجلی کی اوسط قیمت 31 روپے 63 پیسے فی یونٹ رکھی گئی ہے، کمرشل صارفین کے لیے بجلی کے نرخ 62 روپے 47 پیسے فی یونٹ ہوں گے۔

جنرل سروسز کے لیے بجلی کے نرخ 49 روپے 48 پیسے فی یونٹ مقرر کیے گئے ہیں، صنعتوں کے لیے بجلی کے یونٹ کی قیمت 40 روپے 51 پیسے فی یونٹ رکھی گئی ہے۔

زرعی صارفین کے لیے بجلی کا ٹیرف 34 روپے 58 پیسے فی یونٹ ہوگا، آزاد کشمیر اور پبلک لائٹنگ کے لیے بجلی کا ٹیرف 32 روپے 69 پیسے فی یونٹ مقرر کیا گیا ہے۔

مجموعی طور پر اوسط قومی ٹیرف 37 روپے 64 پیسے فی یونٹ مقرر کیا گیا ہے۔