لاہور؛ وزیرِ اعلیٰ پنجاب مریم نواز شریف نے کہا کہ زمین صرف ہماری نہیں، آنے والی نسلوں کی بھی امانت ہے۔

وزیرِ اعلیٰ پنجاب مریم نواز شریف نے ارتھ ڈے پر پیغام دیتے ہوئے کہا کہ زمین کے تحفظ کے لیے ہمیں قدرتی وسائل اور درختوں کو بچانا ہے، زمین کو محفوظ بنانے کے لیےآلودگی اور موسمیاتی تبدیلیوں کے چیلنجز کا مقابلہ کرنا ہے۔

مریم نواز کا یہ بھی کہنا ہے کہ پنجاب حکومت قدرتی مسکن کی حفاظت کے مشن میں سب سے آگے ہے، حکومت پنجاب نے زمینی ماحولیاتی تحفظ کو اپنی پالیسی کا مرکزی حصہ بنایا ہے زمین کے تحفظ کےلیے سرسبز پنجاب مہم کے تحت لاکھوں درخت لگائے جا چکے ہیں۔

وزیرِ اعلیٰ پنجاب نے کہا کہ پنجاب میں پاکستان کی پہلی اسمارٹ انوئرمنٹ فورس قائم کردی گئی ہے، کارخانوں کی نگرانی کی جارہی ہے، فصلوں کی باقیات  جلانے کی روک تھام کے لیے سپر سیڈر دیے جا رہے ہیں۔

مریم نواز شریف نے مزید یہ بھی کہا کہ پنجاب نے پاکستان کی پہلی جامع کلائمیٹ پالیسی متعارف کرائی ہے، صنعتی آلودگی پر قابو پانے کے لیے  خودکار مانیٹرنگ سسٹم  لارہے  ہیں، مل جل اپنی زمین کو بہتر،اور سرسبز  بنانے کا عزم کرتے ہیں۔