پہلگام فالس فلیگ سے متعلق حالیہ پاک بھارت کشیدگی پر پاکستانی عوام کی رائے سامنے آگئی ہے۔

عوام کی جانب سے کہا گیا ہے کہ فالس فلیگ آپریشن ہندوستان کا پرانا وتیرا ہے، پہلگام ایک بہانہ ہے سندھ طاس معاہدہ اصل نشانہ ہے، بطور مسلمان جہاد ہم پر فرض ہے اور ہم اس کے لئے تیار ہیں۔

پاکستانی عوام کا کہنا ہے کہ بھارت کو پہلے پاکستانی عوام سے نمٹنا ہو گا، عوام اپنے آرمی چیف کے شانہ بشانہ ہیں اور اُن کی آواز پر لبیک کے منتظر ہیں۔

عوامی رائے کے مطابق پہلگام میں ہندوستان کی اپنی فوج ملوث ہے شواہد سے ظاہر ہورہا ہے، ہندوستان 2019 میں بھی شوق پورا کر چکا ہے نتیجہ رسوائی اور ناکامی نکلا۔

عوام نے مزید کہا کہ ہندوستان کی فوج ہندوستان کی نہیں مودی اور بی جے پی کی ذاتی فوج ہے، مودی گجرات کا قصاب ہے، گلگت سے لے کر کراچی تک ہندو ہوں یا اور کوئی اقلیتیں سب پاکستان کے لئے تیار ہیں۔