روالپنڈی : پاک فوج نے پختونخوا کے مختلف اضلاع میں کارروائیوں کے دوران 15 خوارج کوواصل جہنم کردیاجبکہ 2 جوان جام شہادت نوش کرگئے ۔

پاک فوج کے تعلقات عامہ (آئی ایس پی آر) کے مطابق 25 اور 26 اپریل کی شپ خوارجی دہشتگردوں کی موجودگی کی اطلاع پر پختونخوا کے علاقے کرک،شمالی وزیرستان اور جنوبی وزیرستان میں 3 مختفل کارروائیاں کی گئیں۔

کرک میں کارروائی کے دوران 8 خوارج جبکہ شمالی وزیرستان میں 4 خوارج مارے گئے جبکہ دو جوان لانس نائیک عثمان محمد اور 26 سالہ سپاہی عمران خان بھی شہید ہوئے۔

جنوبی وزیرستان کے علاقے گومال زام میں 3 خواج دہشتگردوں کو واصل جہنم کیاگیا۔ آئی ایس پی آر کے مطابق ہلاک ہونے والے دہشتگردوں کے قبضے سے بھاری اسلحہ اور گولہ بارود برآمد ہوا۔

علاقے میں فورسز کا سرچ آپریشن جاری ہے ، مارے گئے تمام دہشتگرد فورسز پر حملوں اور دہشتگردی کی مختلف کارروائیوں میں مطلوب تھے