اسلام آباد: وفاقی دارالحکومت میں زمبابوے کے 45 ویں یوم آزادی کی باوقار تقریب کا انعقاد کیا گیا ہے۔

زمبابوے کے 45 ویں یوم آزادی کی باوقار تقریب اسلام آباد میں منعقد کی گئی جس میں دونوں ممالک کے قومی ترانے بجائے گئے اور کیک کاٹنے گئے۔

وفاقی وزیرتجارت جام کمال خان تقریب کے مہمانِ خصوصی تھے جب کہ زمبابوے کے 45 ویں یوم آزادی کی تقریب عشائیے کے ساتھ اختتام پزیر ہوئی۔

اس موقع پراظہارخیال کرتے ہوئے انہوں نے کہا کہ زمبابوے سے دوستی کو معاشی شراکت داری میں بدلنا چاہتے ہیں۔

جام کمال نے پاکستان اورزمبابوے کے درمیان تجارتی تعلقات کو فروغ دینے پر زور دیتے ہوئے کہا کہ 2023-24 میں پاکستان اور زمبابوے کے درمیان 9.6 ملین ڈالر کی تجارت رہی-

ان کا مزید کہنا تھا کہ ٹیکسٹائل، ادویہ اور زرعی پروسیسنگ میں تعاون کے مواقع موجودہیں۔

دوسری جانب تقریب سے خطاب کرتے ہوئے زمبابوے کے سفیر نے پاکستان کے ساتھ مضبوط تعلقات کی خواہش کا اظہار کیا۔