اسلام آباد: سینیٹر فیصل واوڈا نے کہا ہے کہ مائن اینڈ منرلز بل کسی کا باپ نہیں روک سکتا، سانپ بھی مرجائے گا اور لاٹھی بھی نہیں ٹوٹے گی۔

پارلیمنٹ ہاؤس میں میڈیا سے گفتگو کرتے ہوئے فیصل واوڈا نے کہا کہ بجٹ آرہا ہے، سیاست ہوتی ہے، کچھ لیا اور کچھ دیا جائے گا اور کچھ گھسیٹ لیا جائے گا۔

انہوں نے کہا کہ فضل الرحمن پی ٹی آئی سے اتحاد کے بارے میں 100 بار سوچیں گے، 3 بندوں میں پی ٹی آئی پاکستانی کے سکندر کے لیے دوڑ ہے۔

فیصل واوڈا نے دوٹوک الفاظ میں کہا کہ بلاول بھٹو کی باتوں میں وزن ہے اور پی پی پی ایشو بیس سیاست کررہی ہے۔ مائن اینڈ منرلز بل کسی کا باپ نہیں روک سکتا، سانپ بھی مرجائے گا اور لاٹھی بھی نہیں ٹوٹے گی۔

ان کا کہنا تھا کہ بانی چیئرمین میرے پرانے قائد ہیں،عزت کے زمرے میں ان کی بہن کے حوالے سے  بات نہیں کروں گا،کون سی پی ٹی آئی چاہیے؟لگتا ہے پی ٹی آئی پاکستانی بنانے کی تیاری یورہی ہے.

انہوں نے مزید کہا کہ پی ٹی آئی پاکستان ہرچیز کے ضامن ہے، جن لوگوں نے بانی چیئرمین کو چھوڑ دیا وہ پیسہ بنا رہے ہیں اور کرسیوں پر بیٹھے ہیں، صرف شہرت کے بل پر تقاریر کررہے ہیں۔