سندھ بھر میں کل سے ہیٹ ویو کا امکان ہے۔

محکمہ موسمیات کے مطابق سندھ کے شہر دادو، شہید بے نظیر اباد، سکھر میں درجہ حرارت معمول سے 6 تا 8 ڈگری، جبکہ بدین، عمرکوٹ ، تھرپارکر اور حیدرآباد میں معمول سے 4 تا 6  ڈگری زائد ریکارڈ ہونے کا امکان ہے۔

ہیٹ ویو کا سلسلہ 13 تا 18 اپریل جاری رہے گا، تاہم شہر قائد میں ہیٹ ویو کا امکان نہیں ہے اس دوران کراچی کا درجہ حرارت 35 تا 36 ڈگری سینٹی گریڈ کے درمیان ریکارڈ ہونے کا امکان ، جبکہ 13اور 14 اپریل کو شہر میں تیز ہوائیں چلنے کی پیشگوئی کی ہے۔

محکمہ موسمیات نے ہیٹ ویو کے دوران شہریوں کو احتیاطی تدابیر اختیار کرنے کی ہدایت دیتے ہوئے کہا کہ بچوں اور بزرگوں کو دھوپ میں نکلنے سے بچائیں، جبکہ شہری پانی اور ٹھنڈے مشروبات  کا زائد استعمال کریں۔