اسلام آباد: وزیراعظم محمد شہباز شریف نے کھیلوں کی اہمیت، قومی ترقی اور نوجوانوں کو بااختیار بنانے کا عزم کیا ہے۔

وزیراعظم شہباز شریف کا عالمی کھیلوں کے دن پر پیغام دیتے ہوئے کہا کہ حکومت کھیلوں کے لیے اصلاحات کر رہی ہے، میرٹ اور شفافیت کو فروغ دیا جائے گا۔

انہوں نے کہا کہ پاکستان 2026 ساؤتھ ایشین گیمز کی تیاری میں مصروف ہے، کھیلوں کے ذریعے خطے میں مہارت اور سیاحت کا مرکز بننے کا عزم ہے۔

وزیراعظم نے تمام اسٹیک ہولڈرز سے کھیل کو ترقی، تعلیم اور صحت کے پروگراموں میں شامل کرنے کی اپیل کی اور کہا کہ آئیے ہم سب مل کر اپنے کھیلوں کے نظام کو مضبوط کریں۔

انہوں نے مزید کہا کہ آنے والی نسلوں کے لیے ایک زیادہ جامع، بااختیار اور پائیدار معاشرہ تشکیل دیں۔