اسلام آباد: تیل اور گیس کی تلاش میں پاکستان اور ترکیہ کے درمیان اہم پیش رفت سامنے آگئی۔

پاکستان اور ترکیہ کے درمیان آفشور ایکسپلوریشن میں مشترکہ بڈنگ معاہدے پر دستخط ہوگئے، دستخط وفاقی وزیر پٹرولیم علی پرویز ملک سے ترکیہ کے وفد کی ملاقات کے دوران کیے گئے۔

ترکیہ کے وزیر توانائی و قدرتی وسائل الپارسالن بایرکتار نے وفد کی قیادت کی جب کہ اسلام آباد میں ہونے والی ملاقات میں توانائی تعاون کو فروغ دینے پر اتفاق ہوا۔

مشترکہ بڈنگ معاہدے سے بیرونی سرمایہ کاری کے مواقع پیدا ہوں گے۔ معاہدے میں ترکیہ کی پیٹرولیم کمپنی کے ساتھ او جی ڈی سی ایل، ماڑی انرجیز اور پی پی ایل شامل ہیں۔

پاکستان اور ترکیہ توانائی کے شعبے میں تعاون کو مزید مضبوط بنانے کے لیے پُرعزم ہیں جب کہ

وزیر پٹرولیم علی پرویز ملک نے معاہدے کو دوطرفہ تعلقات میں سنگ میل قرار دیا ہے۔