بھارت کے بزدلانہ حملے کے بعد کور کمانڈر بہاولپور لیفٹیننٹ جنرل محمد عقیل نے بہاول وکٹوریہ اسپتال کا دورہ کیا ہے۔

ایم ایس اور کمانڈنگ آفیسر سی ایم ایچ بہاولپور بھی کور کمانڈر کے ہمراہ تھے، کور کمانڈربہاولپور نے بھارتی بزدلانہ حملے میں زخمیوں اور متاثرین کے اہل خانہ سے ملاقات کی اور زخمیوں کی خیریت دریافت کی۔

کور کمانڈر نے فوجی ڈاکٹروں اور پیرا میڈیکس کو ہدایت کی کہ زخمی شہریوں کو تمام ضروری طبی امداد فراہم کی جائے۔

اسپتال میں موجود پُرجوش شہریوں نے پاکستان زندہ باد کے نعرے لگائے۔

واضح رہے کہ گزشتہ روز بھارت نے بزدلانہ کارروائی کرتے ہوئے رات کے اندھیرے میں پاکستان کے 6مقامات بہالپور، کوٹلی، مظفر آباد سمیت دیگر علاقوں میں فضا سے میزائل داغے جس کے نتیجے میں ایک بچی سمیت 8 پاکستانی شہید، خاتون اور مرد سمیت متعدد افراد زخمی ہیں۔

جواب میں پاک فضائیہ نے رافیل سمیت 5 بھارتی طیارے ایک ڈرون مار گرائے،متعدد فوجی نتصیبات کو نشانہ بنایا جبکہ ایک بریگیڈ ہیڈکوارٹر تباہ کردیا، تاہم صبح ہوتے ہی بھارت نے ایل او سی پر سفید جھنڈا لہرا کر اپنی شکست تسلیم کرلی۔