وفاقی حکومت نے ڈی پورٹ ہونے والے افراد پر مقدمہ درج کرنے اور پاسپورٹ منسوخ کرنے کا فیصلہ کرلیا ہے۔

وفاقی وزیر داخلہ محسن نقوی کی زیرصدارت اسلام آباد میں اہم اجلاس ہوا، جس میں فیصلہ کیا گیا کہ ڈی پورٹ افراد کے خلاف ایف آئی آر کا اندراج کیا جائے گا۔ ڈی پورٹ ہونے والوں کے پاسپورٹ منسوخ کیے جائیں گے، جبکہ ڈی پورٹ افراد کو 5 سال کے لیے پاسپورٹ کنٹرول لسٹ پر ڈالا ڈال جائے گا۔

وزیر داخلہ محسن نقوی کی ہدایت پر پاسپورٹ کے قوانین کو مزید سخت اور بہتر بنانے کیلئے سیکرٹری داخلہ کی سربراہی میں  کمیٹی قائم کی گئی ہے۔

یہ بھی پڑھیں: ترکمانستان میں پاکستانی سفیر کی امریکہ سے ڈی پورٹیشن کی قیاس آرائیوں پر دفتر خارجہ کا ردعمل

محسن نقوی نے دوران اجلاس کہا کہ ڈی پورٹ ہونے والے افراد پاکستان کیلئے بین الاقوامی سطح پر شرمساری کا باعث بن رہے ہیں، آئندہ ان سے کوئی رعایت نہیں برتی جائے گی۔

اجلاس میں وزیر مملکت  داخلہ طلال چوہدری، سیکرٹری داخلہ، ڈی جی ایف آئی اے اور ڈی جی پاسپورٹ بھی شریک تھے۔