شہر قائد میں گرمی کی شدت برقرار ، درجہ حرارت 40 ڈگری سینٹی گریڈ تک جانے کا امکان ہے۔

محکمہ موسمیات کے مطابق اس وقت کراچی میں ہوا میں نمی کا تناسب 60 فیصد ہے جبکہ آج کم سے کم درجہ حرارت 30 ڈگری سینٹی گریڈ ریکارڈ کیا گیا ہے، ہوا میں نمی کا تناسب زیادہ ہونے سے گرمی زیادہ محسوس کی جائے گی۔

شہر قائد میں آج مطلع مکمل صاف رہے گا، تاہم  بارش کا کوئی امکان نہیں ہے، کراچی میں اس وقت 20 تا 25 کلو میٹر کی رفتار سے سمندری ہوائیں چل رہی ہیں۔

یہ بھی پڑھیں: گرمی سے بچنے کا یہ آسان سا گُر جانیے

محکمہ موسمیات کا کہنا ہے کہ کراچی میں گرمی کی شدت 3 جون تک برقرار رہے گی، عید الاضحی بھی شہری سخت گرم موسم میں منائیں گے۔

15  جون کے بعد شہر قائد میں پری مون سون سیزن شروع ہونے کا امکان ہے، 15  جون کے بعد موسم بہتر ہونا شروع ہوگا، صبح و شام کے اوقات میں مطلع ابر آلود رہے گا۔