پاک بھارت سرحد پر پانڈو سیکٹر میں پاکستان کی مسلح افواج نے بھارتی فوج کی اشتعال انگیزی کے خلاف مؤثر جوابی کارروائی کی، جس کے نتیجے میں بھارتی فوج کو بھاری نقصان اٹھانا پڑا۔

 سیکیورٹی ذرائع کے مطابق، بھارت کی جانب سے بلااشتعال فائرنگ پر پاکستان کی فوج نے فوری طور پر جوابی کارروائی کی اور بھارتی فوج کے ہیڈکوارٹرز کو تباہ کر دیا۔

ذرائع کا کہنا ہے کہ بھارتی بٹالین ہیڈکوارٹرز، جو نانگاٹک علاقے میں واقع ہے، پاکستان کی گولہ باری سے شدید متاثر ہوئے اور انہیں نقصان اٹھانا پڑا۔

 یہ کارروائی اس وقت کی گئی جب بھارت کی طرف سے پاکستان کی حدود میں بلاوجہ فائرنگ کی گئی تھی۔

پاکستانی افواج کی مؤثر کارروائی کے باعث دشمن کو پہلے بھی بھاری نقصان کا سامنا کرنا پڑا ہے۔

 سیکیورٹی ذرائع کا کہنا ہے کہ گزشتہ کارروائیوں میں بھارتی فوج کو کئی چیک پوسٹوں پر بھی سفید جھنڈا لہرانا پڑا تھا، جو کہ دشمن کی پسپائی کا واضح اشارہ تھا۔