عالمی مالیاتی فنڈ(آئی ایم ایف) نے حکومت پر ریونیو میں اضافے کیلئے معیشت کو دستاویزی بنانے پر زور دیا ہے۔

بجٹ 2025-26 کیلئے آئی ایم ایف سے ٹیکس تجاویز پر مشاورت جاری ہے جس کے مطابق نئے آئی ایم ایف کو بجٹ میں گاڑیوں، پرزہ جارت پر ٹیکسوں میں کمی کی تجویز دی گئی ہے۔

سرکاری ذرائع کا کہنا ہے کہ بجٹ 2025-26 میں پرزہ جات پر موجودہ 2 فیصد ایڈیشنل کسٹمز ڈیوٹی کو صفر کیا جائے گا، اس کے علاوہ 4  سے 7 فیصد والے سلیب میں بھی بتدریج کمی کی تجویز ہے۔

یہ بھی پڑھیں: آئی ایم ایف کا وفاقی بجٹ سے ترقیاتی منصوبے ختم کرنے کا مطالبہ

ذرائع کے مطابق گاڑیوں پر 15 سے 90 فیصد عائد ڈیوٹی میں 20 فیصد کمی کی تجویز ہے، جبکہ پراپرٹی کی خرید و فروخت پر ود ہولڈنگ ٹیکس میں 0.5 فیصد کمی متوقع ہے۔

ذرائع کا کہنا ہےکہ برآمدات 5 ارب ڈالر بڑھانے کیلئے صنعتی خام مال پر ٹیکس میں کمی متوقع ہے جس میں ٹیکسٹائل، کیمیکلز، آٹو پارٹس، پلاسٹک، کیمکلز، لوہا، اسٹیل انڈسٹری شامل ہے صنعتی خام مال اور نیم تیار شدہ اشیاء پر ڈیوٹیز میں کمی کا پلان آئی ایم ایف کو پیش کیا گیا ہے۔

ذرائع کے مطابق زرعی آمدن پر ٹیکس وصولی یکم جولائی 2025 سے شروع ہوگی۔