پاکستان پیپلز پارٹی کے چیئرمین اور سابق وزیر خارجہ بلاول بھٹو زرداری سے امریکی ناظم الامور محترمہ نٹالی بیکر (Natalie Baker)  نے زرداری ہاؤس اسلام آباد میں ملاقات کی۔

ملاقات میں پاک-امریکا دوطرفہ تعلقات کے فروغ، تجارتی تعاون، اور علاقائی صورتحال سمیت باہمی دلچسپی کے اہم امور پر تفصیلی گفتگو ہوئی۔

چیئرمین بلاول بھٹو زرداری نے امریکا کے ساتھ مضبوط اور پائیدار تعلقات کی خواہش کا اظہار کرتے ہوئے کہا کہ پاکستان امریکا کے ساتھ تجارتی و اقتصادی روابط کو مزید وسعت دینے کا خواہاں ہے۔

انہوں نے باہمی مفاد پر مبنی تعلقات کو مستقبل کی علاقائی ترقی اور استحکام کے لیے کلیدی قرار دیا۔

مزید پڑھیں: دریاؤں کا پانی روکا تو دشمن کا خون بہے گا، بلاول بھٹو کا بھارت کو دو ٹوک پیغام

ملاقات کے دوران چیئرمین بلاول بھٹو زرداری نے خطے میں امن و سلامتی کے قیام میں امریکا کے کردار کا اعتراف کرتے ہوئے کہا کہ جنگ بندی معاہدوں میں سابق صدر ڈونلڈ ٹرمپ کا کردار قابلِ تعریف رہا ہے۔

انہوں نے اس امر پر زور دیا کہ پاکستان خطے کے تنازعات کے حل کے لیے امریکا کے ساتھ کھڑا ہے اور پرامن سفارتی اقدامات کی حمایت کرتا ہے۔

ناظم الامور نٹالی بیکر نے چیئرمین بلاول بھٹو زرداری سے ملاقات کے دوران امریکا کی جانب سے پاکستان کے ساتھ کثیرالجہتی تعلقات کی اہمیت کو اجاگر کیا۔ ا

نہوں نے باہمی تعاون کو مزید مؤثر بنانے اور مختلف شعبوں میں پارٹنرشپ کو آگے بڑھانے پر آمادگی کا اظہار کیا۔