عالمی مالیاتی فنڈ(آئی ایم ایف) کے مشرق وسطیٰ اور وسطی ایشیا کے ڈائریکٹر جہاد ازعور اس ہفتے پاکستان کا دورہ کر رہے ہیں، اس دورے کے دوران ازعور وزیر اعظم شہباز شریف اور وزیر خزانہ محمد اورنگزیب سے ملاقات کریں گے۔

آئی ایم ایف نے معاہدے کے تحت بجٹ اہداف کو مقرر کرنے پر زور دیتے ہوئے پاکستان سے معاہدے کی شرائط کے مطابق پارلیمنٹ سے بجٹ منظور کرانے کا مطالبہ کیا ہے۔

یہ بھی پڑھیں: بجٹ ترجیحات درست قرار، آئی ایم ایف سے مذاکرات میں بڑی پیشرفت

ذرائع کا کہنا ہے کہ معاہدے پر عملدرآمد سے حکومت کے پاس ملازمین کو ریلیف دینے کی گنجائش کم ہوسکتی ہے، جبکہ فریقین کے مابین ٹیکس اہداف، دفاعی اخراجات اورگرانٹس پر بات چیت جاری ہے، آئندہ مالی سال کے دفاعی اخراجات کے لیے تقریباً 2.504 ٹریلین روپے مختص کیے جانے کا امکان ہے۔