وزیراعظم شہبازشریف نے کہا کہ جارحیت پر دشمن کودیاگیاجواب وہ قیامت تک یادرکھےگا۔

وزیراعظم شہبازشریف نے مری روڈ انٹر چینج جناح اسکوائر کی افتتاحی تقریب سے خطاب کرتے ہوئے کہا کہ معرکہ حق میں فتح پرقوم کوایک بارپھر مبارکباد پیش کرتاہوں، افواج پاکستان نے دلیری سے بھارت کوشکست فاش دی۔

وزیراعظم نے کہا کہ بھارت کو شکست دینااللہ کاخاص انعام ہے، بھارت کےخلاف فتح پوری قوم کےاتفاق واتحاد کی بدولت ممکن ہوئی، جارحیت پردشمن کودیاگیاجواب وہ قیامت تک یادرکھےگا، پوری قوم کےاتحاد کی شاندارتاریخ ہےجودشمن قیامت تک یادرکھے گا۔

یہ بھی پڑھیں: سید عاصم منیر کو بیٹن آف فیلڈ مارشل سے نواز دیاگیا

شہبازشریف کا یہ بھی کہنا تھا کہ مری روڈ انٹر چینج جناح اسکوائر منصوبے کو محسن نقوی کی بتائی گئی مدت میں مکمل کیا گیا ہے، جبکہ دن رات محنت کرکے یہ منصوبہ پایہ تکمیل تک پہنچا، یہ منصوبہ صرف اسلام آبادکیلئے نہیں، بلکہ پورےپاکستان کےعوام کیلئے ہے۔

وزیراعظم نے مزید کہا کہ 35 دن پہلے منصوبے کا سنگ بنیاد رکھا تھا، مقررہ مدت میں منصوبہ مکمل ہوا، اتنی قلیل مدت میں اسےمکمل کرناآسان نہیں تھا، تاہم منصوبہ اعلیٰ کارکردگی کا بہترین نمونہ ہے، آئندہ بھی اسی رفتارکےساتھ منصوبےقلیل مدت میں مکمل کیےجائیں گے۔