وزیراعظم شہباز شریف نے سماجی رابطے کی ویب سائٹ ایکس پر اپنے پیغام  میں کہا کہ عوام اور حکومت کی طرف سے آذربائیجان کے یوم آزادی کے پر مسرت موقع پر صدر علیوف اور آذربائیجان کے لوگوں کو دلی مبارکباد پیش کرتا ہوں۔

وزیراعظم نے کہا کہ پاکستان آذربائیجان کے ساتھ اپنے قریبی برادرانہ تعلقات کو قدر کی نگاہ سے دیکھتا ہے جو مشترکہ تاریخ، باہمی اعتماد اور ایک دوسرے کے لیے غیر متزلزل حمایت میں جڑے ہوئے ہیں۔

یہ بھی پڑھیں: پاکستان اور آذربائیجان کے درمیان کثیرالجہتی تعاون پر اتفاق

شہباز شریف کا کہنا تھا کہ اس سال مجھے آذربائیجان میں اس تاریخی دن کو صدر علیئوف اور آذربائیجانی عوام کے ساتھ منانے کے قابل ہونے پر بہت خوشی ہو رہی ہے، مجھے یقین ہے کہ صدر علیوف کی دانشمندانہ اور مدبرانہ قیادت میں ہماری کثیر جہتی شراکت داری مضبوط سے مضبوط تر ہوتی رہے گی۔