آپریشن بنیان مرصوص کی کامیابی پر  پاکستانی نوجوانوں نے جدید موسیقی اسٹائل میں انگریزی زبان میں نغمہ جاری کر دیا۔

  نغمے میں دشمن کو واضح اور دو ٹوک الفاظ میں پیغام دیا گیا ہےکہ؛ ’’ہم نہ صرف تیار ہیں، بلکہ مکمل مہارت رکھتے ہیں۔‘‘ نغمے کے بول NOW YOU KNOW , WE ARE PRO ہیں۔

اس خوبصورت نغمے کے گلوکار شجاع حیدر  جبکہ دل کو گرما دینے والی شاعری عمران رضا کی ہے۔

انگریزی زبان میں یہ نغمہ ایک جانب بین الاقوامی دنیا کو پاکستان کا پیغام ہے تو دوسری جانب عزم کا اظہار بھی ہے، یہ نغمہ دشمن کے لیے ایک وارننگ اور قوم کے لیے ایک حوصلہ افزا اعلان ہے۔

یہ بھی پڑھیں: معرکہ حق: پاک فوج کی عظیم فتح پر آئی ایس پی آر کی جانب سے نغمہ جاری

نغمے میں دشمن بھارت کی جانب سے بار بار دھمکیوں پر اسے بتایا گیا کہ “اب تمہیں پتہ چلا ہم کون ہیں؟ یہ نغمہ بھارت کو یہ پیغام بھی دیتا ہے کہ  ’’فیصلہ تمہارا ہے،  ہماری ہمت اور عزم آزما لو۔‘‘

اس نغمے میں دشمن کو کھلا چیلنج ہےکہ’’ اگر تم سمجھتے ہو کہ تم کچھ کر سکتے ہو، تو آؤ اور ہماری استقامت دیکھو۔‘‘

اس نغمہ میں بھارت کو باور کرایا گیا ہے کہ ہم دھونس نہیں جماتے بلکہ ہر لحاظ سے تیار ہیں، ہماری ہر کامیابی ہمارے عزم، ایمان، اور پیشہ ورانہ تربیت کا نتیجہ ہے۔

نغمے کے آخر میں بھارت کو واضح پیغام دیا گیا ہے کہ ’’بنیانِ مرصوص ایک نظریہ ہے، فولادی دفاع، غیر متزلزل عزم، اور ناقابلِ شکست قوت ہے۔‘‘