وزیر دفاع خواجہ آصف نے کہا کہ بھارت کو منہ توڑ جواب دیا ہے، مودی کے پلے ہی کچھ نہیں رہ گیا، بھارت کو آئندہ بھی بھرپور جواب ملے گا، ہم پیمنٹ فوری کریں گے۔

وزیر دفاع خواجہ آصف نے پارلیمنٹ ہاؤس میں صحافیوں سے گفتگو کرتے ہوئے کہا کہ بھارت رات کو سب کچھ گنوا بیٹھا ہے، ہو سکتا ہے اس کو ریکور کرنے کے لیے وہ پھر کوئی حرکت کرے، ٹینشنز تو ابھی بھی بہت ہائی ہیں کسی وقت بھی کچھ ہو سکتا ہے۔

یہ بھی پڑھیں: بھارت کا بزدلانہ وار، پاک فضائیہ کی طاقت نے دنیا کو متاثر کردیا

انہوں نے کہا کہ ہم نے تو بھارت کے ملٹری ٹارگٹس اور جہازوں کو ٹارگٹ کیا ہے، بھارت نے سب جگہ سویلینز کو ٹارگٹ کیا ہے نہ وہاں کوئی اڈے ہیں نہ ٹریننگ کیمپس ہیں۔

خواجہ آصف کا کہنا تھاکہ نیشنل سکیورٹی کمیٹی میں افواج کو اختیار دیا گیا ہے جو بھی حرکت ہوتی ہے، رسپانس افواج ترتیب کریں گی، فی الحال نظر نہیں آتاکہ یہ ٹینشن کسی صورت کم ہوگی۔