وزیرداخلہ محسن نقوی نے کہا کہ عمان کے ساتھ انسداد منشیات اور انسانی اسمگلنگ  کے ضمن میں تعاون بڑھانا چاہتے ہیں۔

 وفاقی وزیرداخلہ محسن نقوی عمان کے ایک روزہ سرکاری دورہ پر مسقط پہنچ گئے ہیں، جہاں مسقط ایئرپورٹ پر  ان کا پرتپاک استقبال کیا گیا۔

اس موقع پر مسقط کی وزارت داخلہ  کے اعلیٰ حکام، سیکرٹری داخلہ خالد بن ہلال بن سعود البوسیدی ، عمان میں پاکستان کے سفیر سید نوید صفدر بخاری اور دیگر شخصیات نے وفاقی وزیرداخلہ محسن نقوی کا خیر مقدم کیا۔

یہ بھی پڑھیں: واشنگٹن؛ وفاقی وزیرداخلہ محسن نقوی کے اعزاز میں امریکہ کے اراکین کانگریس کا عشائیہ

دورے کے دوران وزیر داخلہ محسن نقوی اور خالد بن ہلال بن  سعود کے درمیان ملاقات ہوئی، اس موقع پر خالد بن ہلال نے کہا کہ عمان آمد پر آپ کو دل کی اتھاہ گہرائیوں سے خوش آمدید کہتے ہیں۔

دورے کے دوران وزیر داخلہ محسن نقوی عمان کے اعلی حکام سے ملاقاتیں کریں گے، اور خطے کی موجودہ صورتحال کے تناظر میں وفاقی وزیرداخلہ محسن نقوی  عمان حکومت کو پاکستان کے موقف سے آگاہ کریں گے۔