وزیراعظم شہباز شریف نے تمباکو سمیت دیگر اہم شعبوں میں جامع ڈیجیٹل نگرانی کے فوری نفاذ کی ضرورت پر زور  دیا ہے۔

وزیراعظم نے حکام کو ہدایت کی کہ وہ ٹیکس چوری میں ملوث افراد اور شعبوں کے خلاف سخت کارروائی کریں۔

ٹیکس اور انڈسٹری کے ماہرین نے وزیراعظم کے مؤقف کی تائید کرتے ہوئے کہا کہ ٹریک اینڈ ٹریس سسٹم (TTS) کا دائرہ تمام شعبوں تک بڑھایا جائے تاکہ بڑے پیمانے پر ہونے والی ٹیکس چوری کو روکا جا سکے۔

یہ بھی پڑھیں: پاکستانی تمباکو کی دنیا بھر میں مانگ، برآمدات میں تاریخی اضافہ

 ماہرین  کا کہنا ہے کہ تمباکو کی صنعت میں اس نظام کے سخت اطلاق سے حکومت سالانہ اربوں روپے کا نقصان روک سکتی ہے، انڈسٹری  کے اندازوں کے مطابق پاکستان میں فروخت ہونے والی سگریٹوں کا پچاس فیصد سے زائد حصہ غیر قانونی ہے، جس سے قومی خزانے کو ہر سال 300 ارب روپے سے زیادہ کا نقصان پہنچ رہا ہے۔

واضح رہے کہ وزیراعظم  کے ٹیکس اصلاحات پر زور کے بعد ماہرین نے تمباکو سیکٹر میں ٹریک اینڈ ٹریس سسٹم کے فوری نفاذ کا مطالبہ کردیا ہے۔