پاکستانی مؤقف ایک بار پھر فتح سے ہمکنار، بھارتی اخبار دی ہندو نے 4 بھارتی طیارے تباہ ہونے کی تصدیق کر دی۔

بھارتی اخباردی ہندونے اس سے قبل مقبوضہ کشمیر میں 3 لڑاکا طیارے گرنے کی تصدیق کی تھی، تاہم ہندوتوا زدہ سوشل میڈیا یوزرز اور مودی سرکارکے دباؤ کی وجہ سے یہ خبر ڈیلیٹ کردی تھی۔

اس بار دی ہندو نے پلیٹ فارم ایکس پر 3 بھارتی طیارے گرنے کی خبر دیتے ہوئے بتایا کہ کم از کم 4 بھارتی حکومتی ذرائع نے 3 طیارے مقبوضہ کشمیر میں گرنے کی تصدیق کی ہے۔

یہ بھی پڑھیں: بزدلانہ وار کے بعد بھارت کو شکست،5بھارتی طیارے ایک ڈرون اور فوجی بریگیڈ ہیڈکوارٹرتباہ

دی ہندو کے مطابق بھارتی لڑاکا طیارے اکھنور، رام بن اور پامپورہ میں گرے، جبکہ 1  لڑاکا طیارہ پنجاب کے ضلع بٹھنڈہ کے گاؤں اکلیاں کلاں میں گرا،  بٹھنڈہ میں گرنے والا طیارہ بیاری انڈین ائیرفورس کا رافیل جیٹ تھا، جس کے گرنے سے 1 شخص ہلاک اور 9 زخمی ہوئے تھے۔

واضح رہے کہ 7 مئی کی درمیانی شب بھارت نے کاروائی کرتے ہوئے پاکستان کے 6 مقامات پر 24 حملے کیے تھے، پاک فوج نے بھارتی بزدلانہ کارروائیوں کا بھرپور جواب دیتے ہوئے بھارتی فوج کے 3 رافیل، ایک سکوئی، ایک مگ 29 اور ایک ڈرون تباہ کر دیا تھا، اس کے علاوہ بھارتی فوج کا بریگیڈ ہیڈ کوارٹر بھی تباہ کردیا تھا۔