اسلام آباد: حکومت نے مالی سال 2025-2026 بجٹ میں کاروبار کی رجسٹریشن کیلئے بڑا اقدام اٹھایا ہے جس کے تحت غیر رجسٹرڈ سیلز ٹیکس دہندگان پر عائد 4 فیصد ”مزید سیلز ٹیکس“ ختم کرنے کا فیصلہ کیا ہے۔

ذرائع کے مطابق 4 فیصد مزید سیلز ٹیکس ختم کرنے سے ایف بی آر کو عارضی طور پر ریونیو نقصان ہوگا۔ 

ذرائع کا کہنا ہے کہ ڈیلرز، تھوک فروشوں اور ریٹیلرز سمیت پورے سپلائی چین کو رجسٹرڈ کرنا ہوگا، سیلز ٹیکس میں درآمدی مال کی سپلائی چین کو بھی دستاویزی نظام میں لانے کی تیاری کی جارہی ہے۔

یہ بھی پڑھیں: مالی سال 2025-26 کیلئے 17.6 ٹریلین روپے کا وفاقی بجٹ آج پیش کیا جائے گا

ذرائع کے مطابق فنانس بل 2025-26 میں سیلز ٹیکس ایکٹ میں ترامیم کی تجاویز ہیں، اور حکومت سیلز ٹیکس میں درآمدی مال کی سپلائی چین کو بھی دستاویزی نظام میں لانے کی تیاری کر رہی ہے۔

ذرائع نے مزید بتایا کہ سپلائی چین کو مکمل طور پر دستاویزی شکل دینے کا پلان ہے، سپلائی چین کی رجسٹریشن سے طویل مدتی ریونیو میں اضافہ ہوگا، تاہم حکومت کاروباری شعبے کو مکمل طور پر دستاویزی نظام میں لائے گی۔