پاکستان نے غزہ کی صورتحال کوانسانیت کے ضمیر پر دھبہ قرار دے دیا ہے۔

اقوام متحدہ میں پاکستان کے مستقل مندوب عاصم افتخار احمد نے جنرل اسمبلی سے خطاب کرتے ہوئے کہا کہ غزہ میں 55 ہزار سے زائد افراد شہید ہوچکے، 18ہزار بچوں اور 28 ہزار خواتین کو شہید کیا گیا، عالمی برادری خاموش نہ رہے، خطرات شدید تر ہوچکے ہیں۔

انہوں نے کہا کہ قابض قوت عالمی قانون کی بدترین خلاف ورزی کی مرتکب ہے، اخلاقی دیعالیہ پن کی اقوام متحدہ میں گنجائش نہیں۔

عاصم افتخار نے مزید کہا کہ اقوام متحدہ کی جنرل اسمبلی کی ذمےداری بڑھ گئی ہے، غزہ میں فوری، غیرمشروط اور مستقل جنگ بندی ناگزیر ہے۔