فیلڈ مارشل سید عاصم منیرسے اقوام متحدہ میں پاکستانی مندوب صائمہ سلیم نے اہم ملاقات کی۔آئی ایس پی آرکے مطابق فیلڈ مارشل نے دنیا کے سامنے پاکستانی موقف جاندارطریقے سے پیش کرنے پرصائمہ سلیم کی کوششوں کوبے حد سراہا۔

بصارت سے محروم پاکستانی مندوب صائمہ سلیم نے سفارت کاری میں نمایاں مقام حاصل کیا ہے۔

فیلڈمارشل سید عاصم منیر نے ان کی غیر معمولی صلاحیتوں اورغیرمتزلزل لگن  کی تعریف کی ۔ انہوں نے اقوام متحدہ میں پاکستان کے مفادات کوفروغ دینے پران کی کوششوں کوسراہا۔

فیلڈمارشل نے معذور افراد کی حمایت اورانہیں بااختیاربنانے کیلیے پاک فوج کے عزم کا اعادہ کیا۔

صائمہ سلیم نے فیلڈمارشل سیدعاصم منیرکو اقوام متحدہ میں اپنے کام سے متعلق بریفنگ دی۔ انہوں نے تفصیل سے بتایا کہ انہوں نے  کس طرح پاکستان کودرپیش اہم مسائل اورچیلنجزکواقوام عالم کے سامنے اجاگرکیا۔

سید عاصم منیر نے علاقائی اورعالمی مسائل پر پاکستان کے موقف کو فروغ دینے میں پاکستانی مندوب کی کوششوں کوسراہا۔

فیلڈمارشل کی پاکستانی مندوب سے یہ ملاقات غیر معمولی ہے ۔ یہ صائمہ سلیم کی لگن اور بے مثال صلاحیتوں کا اعتراف ہے ۔