وزیراعظم کے معاون خصوصی بلال بن ثاقب کی قیادت میں پاکستان کرپٹو کونسل نے اسٹریٹجک بِٹ کوائن ریزرو کا اعلان کردیا جس کے بعد پاکستان ڈیجیٹل معیشت اور ٹیک ڈپلومیسی کے نئے دور میں داخل ہوگیا ہے۔

وزیراعظم کے معاون خصوصی بلال بن ثاقب نے امریکہ میں اعلیٰ سطحی ملاقاتوں کے ذریعے کرپٹو سفارت کاری کاآغاز کردیا گیا ہے۔

حکومت پاکستان نے  اے آئی اور بلاک چین بِٹ کوائن مائننگ میں 2000 میگاواٹ بجلی مختص کرنے کا اعلان کیا ہے، جبکہ معروف کمپنی ‘ ورلڈ لبرٹی فنانشل ‘  کے ساتھ پاکستان کی شراکت داری، امریکی سرمایہ کاری کی راہ ہموار ہوئی ہے۔

ویب تھری اور بلاک چین کمیونٹی کے فروغ میں بلال بن ثاقب نے نمایاں کردار ادا کیا۔

یہ بھی پڑھیں: بائنانس کے بانی چانگ پنگ ژاؤ پاکستان کرپٹو کونسل کے اسٹریٹجک مشیر مقرر

بلال بن ثاقب نے کہا کہ پاکستان اب امداد نہیں بلکہ اختراع کی بنیاد پر عالمی تعلقات قائم کر رہا ہے۔

حکومت کے انقلابی اقدامات کی بدولت  پاکستان ڈیجیٹل سفارت کاری اور اختراعی معیشت  کی جانب گامزن ہے۔