پاکستان مشرق وسطیٰ میں امن کیلیے کرداراداکرسکتاہے۔ وزیر اعظم شہباز شریف نے امریکی وزیر خارجہ کوواضح پیغام دیدیا۔ مارکو روبیو سے ٹیلی فونک گفتگومیں انہوں نے  میں دو ٹوک الفاظ میں کہاکہ کشمیر، پانی اور دہشت گردی پر مذاکرات ناگزیرہیں۔

وزیراعظم شہباز شریف اور امریکی وزیر خارجہ  کے درمیان ٹیلی فونک گفتگو کا اعلامیہ جاری کردیا گیا۔ اعلامیے کے مطابق وزیراعظم نے صدر ٹرمپ کی قیادت کو جرات مندانہ قرار دیا ہے۔

اعلامیہ میں بتایا گیاکہ وزیراعظم شہبازشریف نے پاک بھارت سیز فائر میں امریکی سفارتی کردار کو سراہا۔ انہوں نے  کہا کہ جنوبی ایشیا میں امن کے لیے پاکستان بھارت مذاکرات ضروری ہیں۔

جموں و کشمیر، پانی، تجارت اور دہشت گردی پر مذاکرات ناگزیرقرار

وزیراعظم کا کہنا تھا کہ جموں و کشمیر، پانی، تجارت اور دہشت گردی پر مذاکرات ناگزیر ہیں۔

شہباز شریف نے کہاکہ  ایران اسرائیل تنازع کا حل صرف مذاکرات اور سفارت کاری ہے۔ ان کا کہناتھاکہ پاکستان مشرق وسطیٰ میں امن کیلیے کرداراداکرسکتاہے۔

وزیراعظم نے کہاکہ پاکستان اور امریکا کو تجارت، توانائی، معدنیات اور آئی ٹی میں تعاون بڑھانا ہوگا۔

انہوں نے امریکی وزیر خارجہ سے گفتگو میں مزید کہا کہ پاکستان میں دہشت گردی کے مکمل خاتمے کے لیے پرعزم ہیں۔
ان کاکہناتھاکہ بی ایل اے، ٹی ٹی پی اور دیگر دہشت گرد گروپوں کے خلاف کارروائیاں جاری ہیں۔

اعلامیے کے مطابق امریکی وزیرخارجہ مارکو روبیو نے پاکستان کی انسداد دہشت گردی کوششوں کو سراہا۔ وزیراعظم نے صدر ٹرمپ اور فیلڈ مارشل عاصم منیرکی ملاقات کو مثبت اورمفید قرار دیا۔

امریکی صدر ٹرمپ کو دورہ پاکستان کی دعوت

علاوہ ازیں گفتگو میں پاکستان امریکا تعلقات کو عملی اقدامات میں بدلنے پر اتفاق کیا گیا۔وزیراعظم نے امریکی صدر ٹرمپ کو دورہ پاکستان کی دعوت کو دہرایا۔
شہبازشریف نے امریکی وزیر خارجہ کو بھی پاکستان آنے کی دعوت دی۔

دریں اثنا مارکو روبیو نے کہاکہ پاکستان کے ساتھ تمام شعبوں میں تعاون بڑھانے کے خواہاں ہیں۔ انہوں نے کہاکہ پاکستان ایران سے قریبی تعلقات کے باعث اہم کردار ادا کرسکتا ہے۔
مزید براں  امریکی وزیرخارجہ نے پاکستان کی علاقائی امن کی کوششوں کی بھی تعریف کی۔