راولپنڈی: وطن کی خاطر جان کا نذرانہ پیش کرنے والے پاک فوج کے بہادر افسر میجر سید معیز عباس شاہ شہید کی نمازِ جنازہ چکلالہ گیریژن، راولپنڈی میں ادا کر دی گئی ہے۔

پاک فوج کے شعبہ تعلقات عامہ (آئی ایس پی آر) کے مطابق نمازِ جنازہ میں فیلڈ مارشل عاصم منیر، وفاقی وزیر داخلہ، سینئر حاضر سروس فوجی و سول افسران اور جوانوں کی بڑی تعداد نے شرکت کی۔

اس موقع پر فیلڈ مارشل عاصم منیر نے شہید کی عظیم قربانی کو خراجِ عقیدت پیش کرتے ہوئے کہا کہ میجر معیز عباس نے دشمن کے خلاف بہادری سے لڑتے ہوئے وطن سے اپنی محبت اور فرض سے وفاداری کی اعلیٰ روایت کو برقرار رکھا۔

یاد رہے کہ شہید میجر معیز عباس نے جنوبی وزیرستان کے ضلع سراروغہ میں فتنۂ الخوارج کے خلاف آپریشن کے دوران جامِ شہادت نوش کیا، ان کی قربانی پاکستان کی سالمیت اور امن کے لیے ایک روشن مثال ہے۔