شہر قائد میں سمندری ہوائیں مکمل بحال ہونے سے گزشتہ کئی وز سے جاری حبس و گرمی کی کیفیت ختم ہوگئی ہے۔

محکمہ موسمیات کے مطابق کراچی میں آج کم سے کم درجہ حرارت 29.5 ڈگری سینٹی گریڈ ریکارڈ کیا گیا، جبکہ ہوا میں نمی کا تناسب 79 فیصد ہے۔

شہر قائد میں آج زیادہ سے زیادہ درجہ حرارت 35 ڈگری سینٹی گریڈ ریکارڈ کیا گیا ہے، جبکہ شہر میں  اس وقت 12 کلو میٹر فی گھنٹہ کی رفتار سے جنوب مغربی ہوا چل رہی ہے۔

 یہ بھی پڑھیں: کراچی میں اچانک مکھیوں کی بہتات کی وجہ کیاہے؟

محکمہ موسمیات کا کہنا ہے کہ شہر کا مطلع جزوی ابر آلود رہے گا، صبح و شام بونداباندی متوقع ہے، تاہم 16 جولائی سے مون سون ہواؤں کا سلسلہ سندھ سمیت کراچی کو متاثر کرے گا، جس میں کراچی میں  ہلکی تا معتدل درجے کی بارش کا امکان ہے۔