کراچی میں ڈاکوؤں نے 6 ماہ کے دوران شہریوں سے ڈھائی ارب سے زائد کی لوٹ مار کی جس کے نتیجے میں شہری اپنی قیمتی اشیاء اور نقدرقم سے محروم ہوگئے۔

شہر قائد میں ڈاکوؤں نے شہریوں سے قیمتی موبائل فون موٹرسائیکلیں اور گاڑیاں چھیننے کی بے خوف وارداتیں کیں۔

یہ بھی پڑھیں: کراچی : 29جائیدادوں میں جعلسازی، سابق رجسٹرار سمیت 23 ملزمان کی گرفتاری کا حکم

سی پی ایل سی کا کہنا ہے کہ ایک محتاط اندازے کے مطابق سال 2025 کے 6 ماہ میں ڈاکوؤں نے شہریوں سے 21 کروڑ 47 لاکھ مالیت سے زائد کے 8588  سے زائد موبائل فون چھینے۔

اسی طرح سی سال رواں برس شہریوں سے ایک ارب 21 کروڑ سے زائد کی 23 ہزار سے زائد موٹر سائیکلیں چھینی اور چوری کی گئی۔

محتاط اندازے کے مطابق سال 2025 میں شہریوں سے 1 ارب 22 کروڑ سے زائد کی 1022 گاڑیاں چھینی اور چوری کی گئی۔