شہر قائد میں بارشوں کے حوالے سے محکمہ موسمیات نے بڑی پیشگوئی کی ہے، جس کے مطابق 19  تا 20 جولائی سے شہر میں موسلادھار بارشیں متوقع ہے۔

کراچی میں آج موسم گرم اور مرطوب رہے گا، جبکہ آج کم سے کم درجہ حرارت 29 ڈگری سینٹی گریڈ ریکارڈ کیا گیا ہے اور ہوا میں نمی کا تناسب 69 فیصد ہے۔

یہ بھی پڑھیں: طوفانی بارشوں میں اپنائیں یہ احتیاطی تدابیر

شہر قائد میں آج زیادہ سے زیادہ درجہ حرارت 35 ڈگری سینٹی گریڈ ریکارڈ کیا گیا، جبکہ شہر میں اس وقت  10 کلو میٹر فی گھنٹہ کی رفتار سے جنوب مغربی ہوا چل رہی ہے۔

محکمہ موسمیات کا کہنا ہے کہ آج کراچی کا مطلع جزوی ابر آلود رہے گا تاہم صبح و شام بونداباندی متوقع ہے، جبکہ کل  سے مون سون ہواؤں کا سلسلہ سندھ سمیت کراچی کو متاثر کرے گا۔

شہر قائد میں ہفتہ اور اتوار کو گرج چمک اور تیز ہواوں کے ساتھ بارش کا امکان ہے، جبکہ شہر کے نشیبی علاقے زیر آب آنے کا خدشہ ہے، تاہم متعلقہ اداروں کو پیشگی اقدامات کی ہدایت کر دی گئی ہے۔