دریائے جہلم میں شدید بارش کے باعث ڈھوک بڈیر اور برہان نالے میں طغیانی آ گئی، جس کے نتیجے میں گاؤں ڈھوک بڈیر کے قریب تقریباً 25 افراد سیلابی ریلے میں پھنس گئے۔

پاک فوج کی ریسکیو ٹیم امدادی کارروائیوں میں مصروف ہے اور اب تک 10 افراد کو بحفاظت نکال لیا گیا ہے، تاہم دیگر افراد کی تلاش اور بچاؤ کا عمل تیزی سے جاری ہے۔

ریسکیو آپریشن میں ہیلی کاپٹرز کا استعمال کیا جا رہا ہے جبکہ متاثرہ افراد کو لائف جیکٹس اور فوری طبی امداد فراہم کی جارہی ہے۔

مزید پڑھیں: دریائے جہلم منگلا پر 24 گھنٹوں میں شدید سیلاب کا خطرہ، الرٹ جاری

فوج اور مقامی انتظامیہ صورتحال کی نگرانی مشترکہ طور پر کر رہی ہیں تاکہ کسی بھی ہنگامی صورت حال سے بروقت نمٹا جا سکے۔

انتظامیہ نے نشیبی علاقوں کے رہائشیوں کو ہوشیار رہنے، بلند مقامات پر منتقل ہونے اور حکام کی ہدایات پر عمل کرنے کی سختی سے ہدایت کی ہے۔