کراچی میں اچانک مکھیوں کی بہتات کی وجہ کیاہے ؟ ۔ آئیے جانتے ہیں کہ اس سلسلے میں ماہرین کیا کہتے ہیں ۔

طبی ماہرین نے کراچی میں مکھیوں کی بہتات کو صحت کےلئے انتہائی مضر قراردیاہے۔   ماہرن کا کہناہے کہ گرمیوں کے موسم میں یہ مسئلہ زیادہ شدت اختیار کر لیتا ہے۔

اس کی بنیادی وجوہات میں صفائی کی ناقص صورتحال،کچراکنڈیوں کاعدم انتظام اورکھلے عام گندگی کا پھیلاؤ شامل ہے۔

جگہ جگہ کوڑا کرکٹ کے ڈھیر اور نالوں کی صفائی نہ ہونے کی وجہ سے مکھیاں تیزی سے افزائش پاتی ہیں۔

خاص طور پر گوشت، پھل اور سبزی منڈیوں کے اطراف میں صفائی کا فقدان مکھیوں کے لیے سازگار ماحول فراہم کرتا ہے۔

ان مکھیوں کے ذریعے مختلف بیماریاں جیسے کہ ہیضہ، ٹائیفائیڈ،دست،پیچش، اور جلدی امراض بھی پھیل سکتے ہیں۔

جو بچوں اور بزرگوں کے لیے خاص طور پر خطرناک ثابت ہوتے ہیں۔

گرمی،نمی اور بارش کے بعد پیداہونے والی گندگی بنیادی وجہ

گرمی، نمی، بارش کے بعدپیدا ہونے والی گندگی، اور کوڑا کرکٹ کی ناقص صفائی مل کر مکھیوں کی اچانک بھرمار کا سبب بنتے ہیں۔

احتیاطی تدابیر

ماہرین نے اس سسلسلے میں جو احتیاطی تدابیر اختیار کرنے کی ہدایت کی وہ وہ درج زیل ہیں۔

ذاتی صفائی کا خیال رکھیں، کھانے پینے کی اشیاکو ڈھانپ کر رکھیں۔

گھروں اور دکانوں میں مچھر دانی یا جالی کا استعمال کریں تاکہ مکھیاں اندر داخل نہ ہو سکیں۔

صفائی مہم کو فروغ دیں اور اپنے محلوں میں گندگی نہ پھیلائیں۔

کچرا وقت پر ٹھکانے لگانا نہایت ضروری ہے۔ بلدیاتی اداروں کو متحرک کریں کہ وہ کوڑے کی بروقت صفائی یقینی بنائیں۔

قدرتی یا کیمیائی اسپرے کا استعمال کریں تاکہ مکھیوں کی افزائش روکی جا سکے۔

پانی کو ڈھانپ کر رکھیں تاکہ وہ مکھیوں کی افزائش کا باعث نہ بنیں۔

حکمت عملی کیاہونی چاہیے؟

واضح رہے کہ مکھیوں کے مسئلے کا حل صرف انفرادی اقدامات سے ممکن نہیں۔

اس کے لیے بلدیاتی انتظامیہ، شہری اداروں اور عوام کو مل کر مؤثر حکمت عملی اپنانی ہوگی۔

مزید براں مستقل صفائی، آگاہی مہم اور احول دوست اقدامات کے ذریعے ہی اس مسئلے پر قابوپایا جا سکتاہے۔