صدر مملکت آصف علی زرداری نے پاکستان لینڈ پورٹ اتھارٹی بل 2025 کی منظوری دے دی ہے جس کے بعد یہ بل ایکٹ بن گیا ہے۔

‎واضح رہے کہ پاکستان بھارت اور بنگلہ دیش کے بعد خطے کا تیسرا ملک بن گیا جس نے لینڈ پورٹ اتھارٹی قائم کی ہے۔

‎پاکستان لینڈ پورٹ اتھارٹی سرحدی گزرگاہوں پر سامان اور افراد کی نقل و حرکت میں سہولت فراہم کرے گی، اور سرحدی اداروں کے ساتھ مؤثر ہم آہنگی کے لیے مضبوط میکنزم تشکیل دے گی۔

یہ بھی پڑھیں: صدر مملکت کا سیلاب متاثرہ علاقوں پر گہرے دکھ کا اظہار، افواج اور ریسکیو اداروں کو خراجِ تحسین

‎ اتھارٹی تجارتی سہولت اور علاقائی بندرگاہوں کی مسابقت بڑھانے میں مددگار ہوگی، اس کے علاوہ اتھارٹی بین الاقوامی معاہدوں اور کنونشنز کے تحت پاکستان کی ذمہ داریوں کو پورا کرنے میں کردار ادا کرے گی۔