شہر قائد میں کل صبح 8 تا آج صبح  8 بجے تک ہونے والی بارش کے اعداد و شمار جاری کر دیے گئے ہیں، جس کے مطابق سب سے زیادہ بارش گلشن حدید 178 ملی میٹر بارش ریکارڈ کی گئی۔

محکمہ موسمیات کے مطابق گزشتہ روز کراچی کے مختلف علاقوں میں موسلادھار بارش ہوئی جس سے نظام زندگی بری طرح متاثر ہوا۔

شہر قائد میں سب سے زیادہ بارش گلشن حدید میں 178 ملی میٹر بارش ریکارڈ کی گئی، جبکہ کیماڑی میں 173، اولڈ ایئرپورٹ  میں 163.5 اور جناح ٹرمینل میں 156.4 ملی میٹر ریکارڈ کی گئی۔

یہ بھی پڑھیں: شہر قائد میں موسلادھار بارش سے گرمی کا زور ٹوٹ گیا، موسم خوشگوار

سرجانی میں  151.4، نارتھ کراچی میں 148.8 ملی میٹر، ناظم آباد میں 149.6، سعدی ٹاون میں 146 ملی میٹر ریکارڈ کی گئی۔

محکمہ موسمیات کے مطابق ڈی ایچ اے میں 138.7، ڈی ایچ اے میں 138، شاہراہ فیصل میں 133، گلشن معمار میں 102.6، بیس مسرور میں 101، اورنگی ٹاؤن میں 81.2، بحریہ ٹاؤن میں 4.8 ملی میٹر ریکارڈ کی گئی ہے۔