پاکستان کا 78 واں یوم آزادی رواں برس معرکہ حق کے عنوان منایا جارہا ہے، اس حوالے سے سندھ بھر میں تقریبات کا سلسلہ جاری ہے، اسی مناسبت سے ایک خصوصی آزادی ٹرین کراچی سےتھرپارکرتک روانہ کی گئی ہے، جسے قومی پرچموں اورتحریک آزادی کےبینرزسےسجایاگیا ہے۔

سینئروزیرشرجیل میمن، وزیرثقافت وسیاحت ذوالفقارشاہ نے خصوصی آزادی ٹرین کا افتتاح کیا۔

آزادی ٹرین کے افتتاح کے موقع سینئروزیرسندھ شرجیل انعام میمن نے کہا کہ حکومت سندھ نےجس طرح تقریبات منعقد کیں اس کی مثال نہیں ملتی، ہماری مسلح افواج اورقوم نےمل کربھارت کودھول چٹائی۔

شرجیل میمن نے کہا کہ بھارت کواپنی ٹیکنالوجی پربہت غرورتھا، بھارت کےرافیل اوردیگرجہازگرائےگئے، بھارت عبرتناک صدمےسےآج تک نہیں نکل سکا۔

انہوں نے کہا کہ بھارتی حکومت کے پاس عوام کودکھانےکیلئےجھوٹ بھی نہیں بچا، ہماری فورسزنےبھارت کودھول چٹائی ہے۔

سینئروزیرسندھ کا یہ بھی کہنا تھا کہ اختلافات بھلاکرپاکستانی قوم کویکجاکرناہے، پوری قوم کومتحدہوکرچیلنجزکامقابلہ کرناچاہیے۔

یہ بھی پڑھیں: یوم آزادی کی مناسبت سے آئی ایس پی آر کا نیا نغمہ جاری

شرجیل انعام میمن نے کہا کہ بلاول بھٹونے سفارتی وفد کے ہمراہ پاکستان کابیانیہ پیش کیا، بلاول بھٹونےدنیامیں امن کی آوازبلند کی، نریندرمودی کااصل چہرہ دنیاکےسامنےپیش کیا۔

ان کا کہنا تھا کہ یوم آزادی کی تقریبات کاکریڈٹ محکمہ ثقافت، محکمہ اسپورٹس کوجاتاہے، کراچی میں آج کامیوزیکل شوعوام کیلئےبالکل مفت ہے۔

سینئروزیرسندھ نے کہا کہ جشنِ آزادی کےخصوصی موقع پرآج ٹرین چھورتک جارہی ہے، ٹرین کومفت چلایاجارہاہےاورانتظامات بہترہیں۔

شرجیل انعام میمن کا کہنا تھا کہ اس بارجشن آزادی پورےملک میں جوش وخروش سےمنایاجارہاہے، کل مزارقائدپرلیزرلائٹ شوہوا، وزیراعلیٰ سندھ نےتمام سیاسی جماعتوں کی قیادت کومدعوکیا، سندھ حکومت نےاتحاد، یکجہتی کی بہترین مثال قائم کی، سب کومل کریہ پیغام دیناچاہیےاتحاد،اتحاداوراتحادہے۔

 انہوں نے کہا کہ قائداعظم نےاتحاد، تنظیم اوریقین محکم کی بات کی، سندھ حکومت نےہمیشہ غریب عوام کی بات کی، تاریخ کا سب سے بڑا ہاؤسنگ منصوبہ سندھ حکومت نےشروع کیا، پاکستان کی سب سےبہترین صحت سہولیات سندھ حکومت فراہم کررہی ہے۔

سینئروزیرسندھ کا کہنا تھا کہ ہمیں مل کرایسی حکمت عملی بنانی ہے جو ملک کوترقی کی راہ پرلیکرجائیں، عوام آج نیشنل اسٹیڈیم میں میوزیکل پروگرام میں بھرپورشرکت کریں۔