اسلام آباد: یومِ آزادی اور “معرکہ حق” میں تاریخی فتح کے حوالے سے خصوصی گرینڈ تقریب کا انعقاد آج رات جناح اسپورٹس اسٹیڈیم اسلام آباد میں کیا جائے گا۔

 ذرائع کے مطابق یہ شاندار تقریب رات 8 بجے شروع ہوگی جس میں ملکی و غیر ملکی معزز مہمانوں کی بڑی تعداد میں شرکت متوقع ہے۔

تقریب کے مہمانِ خصوصی صدرِ مملکت ہوں گے جبکہ وزیراعظم شہباز شریف، تینوں مسلح افواج کے سربراہان، وفاقی وزراء اور اہم قومی و بین الاقوامی شخصیات بھی شریک ہوں گی۔

ذرائع کے مطابق تقریب میں مسلح افواج کی شاندار پریڈ، جے ایف-17 تھنڈر کا فضائی مظاہرہ، آرمی اسکول آف میوزک کی خصوصی بینڈ پرفارمنس اور ملی و ثقافتی شوز پیش کیے جائیں گے۔

عوام کا جوش و خروش دیدنی ہے اور ملک بھر میں اس تقریب کا بے تابی سے انتظار کیا جا رہا ہے۔

تقریب کے دوران وزیراعظم شہباز شریف “معرکہ حق” میں کامیابی کی علامت کے طور پر معرکہ حق مونومنٹ کی رونمائی بھی کریں گے۔

اس گرینڈ تقریب میں ترکیہ اور آذربائیجان کے فوجی دستے بھی خصوصی طور پر شریک ہوں گے، جو پاک دوستی اور تعاون کا عملی اظہار ہے۔