کراچی میں رات سے اب تک کہیں ہلکی اور کہیں تیز بارش کا سلسلہ جاری ہے، اور کہاں کتنی بارش ہوئی اس حوالے سے محکمہ موسمیات نے اعداد و شمار جاری کر دیے۔

شہر قائد میں سب سے زیادہ بارش سرجانی ٹاؤن میں 129.6 ملی میٹر، جبکہ جناح ٹرمینل پر سب سے کم 29.8 ملی میٹر بارش ریکارڈ کی گئی۔

نارتھ کراچی میں 72.2 ملی میٹر، کورنگی میں 70.5، ڈیفنس (فیز 7) میں 70، گلشن حدید میں 69، پی اے ایف فیصل بیس پر 55، ناظم آباد میں 54 ملی میٹر بارش ریکارڈ کی گئی۔

یہ بھی پڑھیں: کراچی میں پھر اربن فلڈنگ، تھڈوڈیم اوور فلو،کئی علاقے زیرآب، 600 فیڈرز ٹرپ ، بجلی کا نظام درہم برہم

اسی طرح کیماڑی میں 52 ملی میٹر، سعدی ٹاؤن میں 51، گلشن معمار میں 48، اورنگی ٹاؤن میں 47، ایئرپورٹ پر 46.7، بحریہ ٹاؤن میں 45، یونیورسٹی روڈ پر 44.4، پی اے ایف مسرور بیس میں 41، جبکہ جناح ٹرمینل پر سب سے کم 29.8 ملی میٹر بارش ریکارڈ کی گئی ہے۔