چوتھا کوآڈری پلیٹریٹ وزرائے خارجہ اجلاس نیویارک میں اقوام متحدہ کی جنرل اسمبلی کے 80 ویں اجلاس کے موقع پر منعقد ہوا۔

اجلاس میں چین، ایران، پاکستان اور روس کے وزرائے خارجہ نے افغانستان کی صورتحال پر غور کیا۔ جس کے بعدمشترکہ اعلامیہ جاری کردیاگیا۔

چاروں ممالک نے افغانستان کو ایک آزاد متحد اور پرامن ریاست دیکھنے کے عزم کا اعادہ کیا۔ افغانستان سے دہشت گردی جنگ اور منشیات کے خاتمے پر اتفاق کیا گیا۔

وزرائے خارجہ نے افغان معیشت کے استحکام اور علاقائی رابطوں کو بڑھانے پر زور دیا۔چاروں ممالک نے 1988 پابندیوں کے نظام کو زمینی حقائق کے مطابق ایڈجسٹ کرنے کی ضرورت پر زور دیا۔

وزرائے خارجہ نے افغانستان کے عوام کے لیے ہنگامی انسانی امداد بڑھانے کی اپیل کی۔چاروں ممالک نے افغانستان میں دہشت گرد گروہوں TTP BLA القاعدہ ETIM ISIL اور دیگر پر گہری تشویش کا اظہار کیا۔

افغان حکام سے کہا گیا کہ دہشت گرد گروہوں کے خلاف مؤثر اور قابل تصدیق اقدامات اٹھائیں۔ افغان حکام پر زور کہ دہشت گردوں کی بھرتی فنڈنگ اور اسلحہ تک رسائی روکی جائے۔

اعلامیے کے مطابق وزرائے خارجہ نے کہا افغان سرزمین ہمسایہ ممالک اور خطے کے خلاف استعمال نہ ہو، چاروں ممالک نے انسداد دہشت گردی میں دوطرفہ اور کثیر الجہتی تعاون بڑھانے کی ضرورت پر زور دیا۔

افغان حکام کی روایتی پوست کی کاشت کم کرنے کی کوششوں کو سراہا گیا۔ مصنوعی منشیات اور میتھ ایمفیٹامین کی پیداوار روکنے کے لیے مشترکہ اقدامات پر زور دیا گیا۔

افغان مہاجرین کی واپسی کے لیے سازگار حالات پیدا کرنے پر افغان حکام کو زور دیا گیا۔ پاکستان اور ایران کی جانب سے لاکھوں افغان مہاجرین کی میزبانی کو سراہا گیا اور عالمی برادری سے بوجھ بانٹنے کا مطالبہ کیا گیا۔