شہباز شریف پاکستانی وفد کے ہمراہ صدرٹرمپ سے ملاقات کیلئے واشنگٹن ڈی سی پہنچ گئے۔ فیلڈ مارشل سید عاصم منیر وزیراعظم کے ہمراہ ہوں گے۔

اینڈریوز ایئر بیس پہنچنے پر وزیرِ اعظم کا ریڈ کارپٹ پر امریکی ایئر فورس کے اعلی عہدیدار نے استقبال کیا.وزیرِ اعظم کا موٹرکیڈ امریکی سیکیورٹی کے حصار میں ایئربیس سے روانہ ہوگئے۔

وزیرِ اعظم کچھ ہی دیر میں وائٹ ہاؤس پہنچیں گے.وزیراعظم شہبازشریف اورامریکی صدرڈونلڈ ٹرمپ کی اوول آفس میں ملاقات ہوگی۔

ملاقات میں دوطرفہ تعلقات کاجائزہ لیاجائےگا۔  دونوں رہنماؤں کےدرمیان علاقائی،اہم عالمی صورتحال پرتبادلہ خیال ہوگا۔

نائب وزیراعظم اسحاق ڈار،وزیردفاع خواجہ آصف ملاقات میں موجود ہوں گے۔ وفاقی وزیرداخلہ محسن نقوی اوروفاقی وزیراطلاعات عطاتارڑشرکت کریں گے۔