کیا نیا سسٹم آ رہا ہے ! 10 دنوں تک کراچی کا موسم کیسا رہے گا؟محکمہ موسمیات نے نئی پیشگوئی کردی۔

نیا سسٹم آرہاہے !  10 دنوں تک کراچی کا موسم کیسا رہے گا؟محکمہ موسمیات نے شہر قائد کے حوالے سے نئی پیشگوئی کردی۔

کراچی میں 2 دنوں تک بارش برسانے والاسسٹم اب اورماڑہ پرہے،گوادر،اورماڑہ اورطراف میں بارشوں کاسبب بن رہاہے۔

آئندہ 8 تا 10 گھنٹوں میں ڈپریشن کی شدت کم ہوگی ، اگلے 24 گھنٹوں میں یہ سسٹم ختم ہو کر سمندر برد ہو جائے گا۔

محکمہ موسمیات کے مطابق  شہر قائد سے تیز بارشوں کا امکان ختم ہوچکا۔ آئندہ 10 روز تک شہر میں مون سون سسٹم کا کوئی امکان نہیں ہے۔

15 یا 16 ستمبر کو بالائی علاقوں کو ایک سسٹم متاثر کرے گاجس کا جنوبی سندھ سے کوئی تعلق نہیں ہے۔

آئندہ چند روز تک کراچی کا موسم خوشگوار رہے گا،بونداباندی کا سلسلہ صبح و شام میں جاری رہ سکتا ہے۔

محکمہ موسمیات کے مطابق مون سون تین ماہ پر مشتمل ہوتا ہے،ماہ ستمبر میں مون سون سیزن اختتام پزیر ہو جاتا ہے۔