ہاتھ نہ ملانے کی روایت کرکٹ کے لئے اچھی چیز نہیں ۔ کپتان سلمان علی آغا نے کہا ہے کہ بھارتی کیا سوچتے ہیں معلوم نہیں ، ہم  فائنل جیتنے کی کوشش کرینگے ۔  

یہ بات انہوں نے پری فائنل پریس بریفنگ میں قومی کرکٹ ٹیم کے کپتان نے کہی ۔ انہوں کہا کہ میچ میں کس حکمت عملی کے ساتھ اتریں گے یہ ابھی نہیں بتاؤں گا۔

ہاتھ نہ ملانے اور ٹرافی کے ساتھ فوٹو شوٹ نہ ہونے کے حوالے سے انہوں نے کہا بھارتی ٹیم جو چاہے کرتے رہے ۔ ان کا کہنا تھا ہمیں جو کرنا ہے وہ ہم کرینگے۔

انہوں نے کہاکہ جب سے کرکٹ کھیل رہا ہوں ہینڈ شیک جیسا واقعہ میں نے نہیں دیکھا ۔ ان کاکہناتھا کہ کسی بھی کھلاڑی کے جارحانہ مزاج کو بدل نہیں سکتا۔

قومی ٹیم کے کپتان نے کہاکہ کھلاڑی فیلڈ میں جارحانہ انداز یا اشارے اختیار کریں تو اس میں کپتان کا کیا دخل ہوسکتاہے۔

سلمان علی آغا نے کہاکہ پچ دیکھ کر ٹیم میدان میں اتاریں گے ۔ انہوں نے کہاکہ اچھی  کرکٹ کھیلیں گے توقع رکھیں کہ کل  بڑی خوشخبری ملے گی۔

صائم ایوب کے حوالے سے انہوں نے کہاکہ ابھی ان کی پرفارمنس ویسی نہیں ہے جس کی وجہ سے وہ پہچانے جاتے ہیں۔ ان کا کہناتھاکہ صائم ایوب بالنگ میں بہترین پرفارم کررہے ہیں،وہ دس سال تک ٹیم کےلئے کھیل سکتے ہیں۔

https://www.bolnews.com/urdu/wp-content/uploads/2025/09/AQOSOC6VOGTDtGRSnBbZbXu20RD1wqMsr2MeKT-EnuO95Nzz2jPZJSewNjzzPKIXQIN22r8MaEhAuIrqUGD6tqrnrUxCwhwdaRnX7V8WYCdgFE5UUqo.mp4?_=2