فوج مخالف مہم چلانے والوں کے خلاف سخت کارروائی کی ہدایت جاری کردی گئی۔ وفاقی کابینہ نے سماجی رابطوں کی ویب سائٹس پر شہدا اور افواجِ پاکستان کے خلاف تضحیک آمیز مواد اور بیانات کی شدید مذمت کی ہے ۔

وفاقی کابینہ نے افواجِ پاکستان کے افسران و جوانوں کو خراجِ تحسین پیش کیا۔ جو سرحدوں کی حفاظت اور ملک میں امن قائم رکھنے کے لیے عظیم قربانیاں دے رہے ہیں۔

وزیراعظم شہباز شریف نے کہاکہ ایسے عناصرکی ہرفورم پرحوصلہ شکنیومی ذمہ داری ہے۔

انہوں نے واضح کیاکہ پاکستانی قوم اپنے شہدا اور ان کے اہل خانہ کی قربانیوں کو کبھی فراموش نہیں کر سکتی۔

کابینہ نے بنوں آپریشن میں شہید ہونے والے میجر عدنان اسلم کے درجات کی بلندی کے لیے دعا بھی کی۔

وزیراعظم شہباز شریف کی زیر صدارت وفاقی کابینہ کا اجلاس آج اسلام آباد میں منعقد ہوا۔

ملک بھر میں ماحولیاتی اور زرعی ایمرجنسی نافذ کرنے کا اعلان

شہباز شریف نے ملک بھر میں ماحولیاتی اور زرعی ایمرجنسی نافذ کرنے کا اعلان کردیا ہے۔

اجلاس میں گفتگو کرتے ہوئے انہوں نے کہا کہ سیلاب نے پورے ملک میں بڑی تباہی مچائی ہے۔ ان کاکہناتھاکہ تقریباً ایک ہزار پاکستانی سیلاب کی نذر ہو چکے ہیں۔

شہبازشریف کا کہناتھاکہ وفاق اور صوبائی حکومتیں مل کر اس بحران سے نمٹنے کیلئے اپنا کردار ادا کریں۔

انہوں نے کہا کہ پاک فوج کے بہادر آفیسر میجر عدنان اسلم نے دہشت گردوں کے خلاف لڑتے ہوئے جامِ شہادت نوش کیا،

وزیراعظم کا کہناتھاکہ راولپنڈی میں نمازِ جنازہ کے موقع پر ان کے والد کے بلند جذبے نے انہیں متاثر کیا۔ ان کاکہناتھاکہ  ہمیں اپنی افواج، شہداء اور غازیوں کے بے مثال جذبے پر شکر گزار ہونا چاہیے۔

شہباز شریف نے یہ اعتراف بھی کیا کہ سیلاب نے ملک کے کئی حصوں میں تباہی مچا دی ہے۔ ان کاکہناتھاکہ  سیلاب اب سندھ میں داخل ہو رہا ہے، موسمیاتی تبدیلیوں سے پاکستان اکیلا نہیں نمٹ سکتا۔

وزیر اعظم نے موسمیاتی تبدیلیوں کے چیلنج سے نمٹنے کے لیے وزیر موسمیاتی تبدیلی کو خصوصی ذمہ داریاں سونپ دیں۔

انہوں نے کہا کہ خصوصاً زرعی پہلوؤں پر کابینہ میں غور کیا جائے۔

شہباز شریف نے چین میں دوطرفہ اقتصادی اقدامات کی تعریف کی اور کہا کہ چین میں بزنس ایونٹ “انتہائی کامیاب” رہا۔

تمام کابینہ کے ارکان، ڈپٹی پرائم منسٹرز اور فارن سیکریٹری کے تعاون کو سراہا۔