شہر قائد میں بارش کے حوالے سے محکمہ موسمیات  نے پیش گوئی کی ہے جس کے مطابق 7 ستمبر سے کراچی میں تیز بارشیوں کا امکان ہے۔

محکمہ موسمیات  کا کہنا ہے کہ 7  سے 9 ستمبر تک سندھ میں تیز بارش کے باعث کراچی سمیت مختلف شہروں کے نشیبی علاقے زیر آب آنےکا خدشہ ہے۔

شہر قائد میں آج مطلع جزوی ابر آلود موسم  مرطوب ہے، جبکہ آئندہ چوبیس گھنٹوں میں موسم گرم اور مرطوب رہنے کا امکان ہے۔

یہ بھی پڑھیں: دریائے سندھ کے بیراجوں پر پانی کی آمد و اخراج کے تازہ اعداد و شمار جاری

محکمہ موسمیات کے مطابق کراچی میں اس وقت موجودہ درجہ حرارت 28 ڈگری سینٹی گریڈ کیا گیا ہے، جبکہ ہوا میں نمی کا تناسب 81 فیصد ہے۔

شہر قائد میں آج کم سے کم درجہ حرارت 27 ڈگری ریکارڈ کیاگیا، جکہ زیادہ سے زیادہ درجہ حرارت  31 سے 34 ڈگری تک رہنے کا امکان ہے۔

کراچی میں سمندری ہوائیں جزوی طور پہ بحال ہو گئی ہے، شہر میں اس وقت جنوب مغربی ہوائیں 14کلو میٹر فی گھنٹہ کی رفتار سے چل رہی ہیں۔